25-қазан Республика күніне арналған мерекелік ертеңгілік.Праздничный утренник посвященный Дню Республики.

Балабақшада ұлттық мереке — Республика күні аталып өтті. Мемлекет үшін маңызды қадам жасалған тарихи күннің қадір-қасиетін кішкентай бүлдіршіндерге ұғындыру, отансүйгіш азамат тәрбиелеу мақсатында ұйымдастырылған шараға балабақша ұжымы ерекше дайындалған. Бүгінгі іс-шара барысында балалар тек ән айтып, би билеп қана қойған жоқ. Сонымен қатар өз деңгейлеріне лайықталып дайындалған сұрақтарға да жауап берді. Балапардардың қойылған сұрақтарға мүдірмей жауап беруі — тәрбиешілердің арқасы деп білу керек. Осы тұста ұлттық тәрбиені де, патриоттық сезімді де балалар бойына сіңіре білген балабақша ұжымының еңбегін атап өткен жөн. Олар балалардың болашағынан үлкен үміт күтеді, сондықтан жан-жақты етіп тәрбиелеуде аянбай тер төгіп жүр. Балалардың былдырлаған тіліне біз де сүйсініп, есті сөздерін естіп марқайып қалдық. Мереке соңы флешмобпен аяқталды.